ထို့ပြင်လည်း အတ္တနှင့် ပရ – မိမိအရေးနှင့် သူတပါးအရေး မျှတအောင်ပြုတတ်သည့်၊ -လူသားချင်း ချစ်ခင်လေးစားခြင်း (=မေတ္တာ)၊ ကိုယ်နှင့်ထပ်တူ ခံစား၍ သက်ညှာတတ်ခြင်း(= ကရုဏာ)၊ သူတပါးကြီးပွါး တိုးတက်မှုပေါ်တွင် မျှဝေကြည်နူးခြင်း (=မုဒိတာ)၊ ဆန္ဒ၊ ဒေါသ၊ ဘယာ၊ မောဟတည်းဟူသော အဂတိတရားလေးပါး မလိုက်စားမူ၍ လူသတ္တ၀ါများအားလုံးအပေါ် ကျယ်ပြန့် သော အမြင်သဘောထား၊ မျှတသော ဆက်ဆံရေးရှိခြင်း (= ဥပေက္ခာ) ဗြဟ္မစိုရ်းတရားဤလေးပါးသည် ဗုဒ္ဓ၏ လူသားဝါဒ အခြေခံအုတ်မြစ်များဖြစ်ပါသည်။ အကြမ်းဖက်ဝါဒ၊ အစွန်းရောက် ကိုယ်ကျိုးပဓာန၀ါဒများ အုံနှင့်ကျင်နှင့် ကမ္ဘာအနှံ့ မဆန့်မပြဲဖြစ်လာသည်နှင့်အမျှ တဖက်တွင်လည်း ပရဟိတသမား၊ ပရဟိတကျောင်းတိုက်၊ ပရဟိတအဖွဲ့ စည်းများ ယခင်ထက် ပိုမိုပေါ်ထွက်ရန် လိုအပ်လာပါသည်။ ယနေ့ခေတ်၏ လိုအင်နှင့်အညီ (မြတ်ဗုဒ္ဓ၏ လူသားဝါဒ ထွန်းကားပြန့်ပွါးရေးဌာန)ဟု ကင်းပွန်းတပ်နိုင်မည့် မဟာဗောဓိ ပရဟိတကျောင်းတိုက်သည် ကမ္ဘာ့အမြင့်မြတ်ဆုံး မြေမြတ်မဟာ၌ ဗုဒ္ဓဂယာ အထိကရစေတီတော်ကြီး၏ အေးရိပ်အောက်ဝယ် ကျက်သရေရှိစွာ ပေါ်ထွက်လာပြီးဖြစ်ပါသည်။ ဤကျောင်းတိုက်အား မိမိတို့၏ ကျေးဇူးရှင် ဆရာတော် ဒေါက်တာနန္ဒောဘာသမှ ကမကထပြုတည်ထောင်တော်မူခဲ့ခြင်းဖြစ်သည်။ စင်စစ်ဆရာတော်သည် ဤကျောင်းတိုက်အား မိမိတည်းဟူသော အတ္တဗဟိုပြုစနစ်အစား၊ အများတည်းဟူသော ပရအကျိုးစီးပွါးကိုသာ ပဓာနပြု၍ တည်ထောင်ခြင်းဖြစ်ကြောင်း ဖြစ်စဉ်များက သက်သေခံနေပါသည်။ ဆရာတော်၏ ကာလကတ္တား၊ ဗောဓိသုခပရဟိတကျောင်းတိုက်အား တချိန်က သူ၏ လုပ်ဖော်ကိုင်ဖက်များနှင့်အတူ ၀ိုင်းဝန်းထူထောင်ခဲ့ကြသည်။ နောက်ပိုင်းတွင် ကျောင်းတိုက်သည် ဆက်လက်ရပ်တည်ရေး တကယ်မလွယ်တော့သည့် အခြေနေမျိုးစုံကို ဖြတ်သန်းရင်း၊ မိမိသစ်တပင်ပေါ် လာခိုသမျှ ငှက်တသောင်း အတွက် လုံ့ လ၀ီရိယဖြင့် အားထုတ်ကြိုးကုတ်ရပ်တည်လာခဲ့ရသည်မှာ ယနေ့တိုင်ဖြစ်သည်။ ထိုကြားထဲမှပင် ခေတ်ကာလနှင့် အခြေနေအရပ်ရပ်၏ တောင်းဆို၊ တိုက်ဆိုင်ချက်များပေါ်တွင် ယခုဗုဒ္ဓဂယာ မဟာဗောဓိ ပရဟိတကျောင်းတိုက် လက်တွေ့ အကောင်ထည်ပေါ်လာရန် ဆရာတော် လုံ့ လထုတ်ခဲ့ရခြင်းဖြစ်ပါသည်။ ၂၀၁၁ ခု၊ တနှစ်ထည်းတွင်ပင် ဘင်္ဂလားဒေ့ရ်ှနှင့် မြန်မာနိုင်ငံများသို့  ခရီးစဉ်အကြိမ်ကြိမ် ကြွခဲ့ရသည်။ တကြိမ်တလေတွင် လနှင့်ချီ၍ နယ်တကာလှည့်လျှက် တရားဟော စည်းရုံးနေခဲ့ရသည်။ သို့ဖြင့် ဆဲ့တစ်လ၊ တနှစ်ခန့် အတွင်းမှာပင် ကံစွမ်း ဥာဏ်ဇ ၀ီရိယကျေးဇူးတို့ကြောင့် ကျောင်းတိုက်တခုစာအတွက် လုံလောက်သည့် မြေအကျယ်အ၀န်း ၀ယ်ယူနိုင်သည့် အခြေနေသို့ ဆိုက်ရောက်ခဲ့ပါသည်။ ဤအတွက် ဆရာတော်ကိုယ်တိုင်၏ ထုတ်ဖော်ပြောဆိုပုံမှာ (မြန်မာနိုင်ငံ အပါအ၀င် ကမ္ဘာ့ဒေသ၊ အနယ်နယ် အရပ်ရပ်က ဗုဒ္ဓဘာသာဝင် စေတနာ့ရှင်၊ အလှူ့ ရှင်တွေက စေတနာထက်သန်စွာနဲ့  ပါဝင် လှူဒါန်းခဲ့ကြလို့သာ အခုလို အချိန်တိုအတွင်း အလျင်အမြန် စောစောစီးစီး အကောင်အထည် ဖော်နိုင်ခဲ့တာဖြစ်ပါတယ်) ဟူ၍ ဖြစ်ပါသည်။

၂၀၁၂ ခုနှစ် ဒီဇင်ဘာ (၇) ရက်နေ့တွင်ကား မြန်မာနိုင်ငံမှ ကမ္ဘာကျော် ဓမ္မကထိက သီတဂူဆရာတော် ဒေါက်တာ အရှင်ညာဏိဿရ မထေရ်မြတ်ကိုယ်တိုင် ကြွရောက်တော်မူပြီး၊  မြေကြီးအလှူ ရေစက်ချတရားပွဲကို အောင်မြင်စွာ ကျင်းပနိုင်ခဲ့သည်။ ၄င်းသာသနာ့မြေကြီးပေါ်၌ ယခုအခါခရီးသည် အနည်းဆုံး လူ (၈၀ – ၁၀၀) ဦးခန့် တည်းခိုနိုင်သည့် အခြေနေလည်း ရှိလာပြီးဖြစ်ပါသည်။

လုပ်ငန်း အစီစဉ်အရ ယခုလပိုင်းအတွင်း ၄င်းသာသနာ့မြေပေါ်၌ ပထမဦးဆုံး ဆောက်လုပ်မည့် ဗောဓိရုက္ခမူလ ကျောင်းဆောင်တော်ကြီးအတွက်လည်း တကာ-မများမှ အားတက်သရော ဆက်လက် လှူဒါန်းလျှက် ရှိကြရာ၊ အဆိုပါ ဗောဓိရုက္ခမူလ (၅) ကျောင်းဆောင်တော်ကြီး၌ အခန်းပေါင်း ၈၀ ပါဝင်ပြီး ဘုရားဖူး ပရိတ်သတ် ၃၀၀ ကျော် မကြာတော့သော ကာလတွင် စိတ်ချမ်းသာ ကိုယ်ချမ်းသာ ၀င်ထွက်တည်းခိုခွင့်ရကြတော့မည်ဖြစ်ပါသည်။

ဆရာတော်ထံမှ မိမိလေ့လာမေးမြန်းချက်အရ ကျောင်းတိုက်ထူထောင်ရာတွင် ဦးတည်ချက်တချုို့ကို ခြုငုံ မိသလောက်မှာ အောက်ပါအတိုင်းဖြစ်သည်။

(၁)  ဗုဒ္ဓဂယာနယ်မြေနှင့် သင့်လျော်ထိုက်တန်သည့် ကျောင်းတိုက်သစ်တခုပေါ်ထွန်းလာခြင်းဖြင့် ဘာသာ၊ သာသနာနှင့် လူမျိုးဂုဏ်ကိုဆောင်နိုင်ရန်၊

(၂)  စတုဒိသာ နယ်တကာမှ ဘုရားဖူး လာရောက်သူ၊ ခရီးသည်များ၏၊ တည်းခိုရန်နေရာအခက်အခဲ၊ လုံခြုံရေးအခက်ခဲစည်ကို ကူညီဖြေရှင်းပေးနိုင်ရန်၊

(၃)  သာသနာရေးလုပ်ငန်းအပြင်၊ သံဃာနှင့် ခလေး၊ လူငယ်များအတွက်လူသားအကျိုးပြုပရဟိတ လုပ်ငန်းများကိုပါ အားသွန်ကြိုးပမ်း၍ ဆထက်တိုး ဆောင်ရွက်နိုင်ရန်

 

ချမှတ်ထားပြီးသကဲ့သို့  တန်းစီနေသည့် လုပ်ငန်းအစီစဉ်များကိုလည်း ဆရာတော်ထံမှ မေးမြန်းသိရှိခဲ့ရပါသည်။

၁)  မြန်မာလက်ရာ သိမ်ကျောင်းတော်နှင့် စေတီတော်တစ်ဆူ ဆောက်လုပ်ပူဇော်ရန်၊ (သိမ်အတွက် အလှူရှင်ရှိပြီးဖြစ်သည်)

၂) ဒေသခံ လူထုအား သာသနာပြု၊ လူသားအကျိုးပြုသည့်အနေဖြင့် အခမဲ့ ဆေးခန်းဖွင့်လှစ်ရန်၊

၃)  အိန္ဒိယနိုင်ငံ၌ ပညာတော်သင် ရဟန်းတော်များအား ပညာသင်ထောက်ပံ့ကြေး (စကော်လားချိတ်)များ အစီစဉ်တကျ ချီးမြှင့်ထောက်ပံ့ရန်၊

၎) ပညာတော်သင် ရဟန်းတော်များအား အင်္ဂလိပ်စာပေနှင့် ဟိန္ဒီစာပေများကို ပို့ချပေးခြင်း၊ တခြားလိုအပ်သည့် အကူအပံ့များ ပေးပြုခြင်းဖြင့် ကမ္ဘာ့သာသနာပြု ရဟန်းတော်များ မွေးထုတ်ပေးရန်

၅) ဘုရားဖူးလာရောက်သည့် တကာ-တကာမများအား စိတ်ချမ်းသာစွာ ဘုရားဖူးနိုင်ရေးအတွက် ဘက်ပေါင်းစုံမှ ကူညီဆောင်ရွက်ပေးရန် တို့ ဖြစ်ပါသည်။

အချက်အလက်များအားလုံးကို ခြုံငုံသုံးသပ်ရသော် – အလုံးအဖန် စတင်ပေါ်ထွက်လာပြီးဖြစ်သည့် မဟာဗောဓိ ပရဟိတကျောင်းတိုက် ပရိဝုဏ်ကြီုး၏ ဦးတည့်ရာ  တူရူအရပ်မှာ မဟာဗောဓိ၏ အတုမဲ့၊ အနှိုင်းမဲ့ဧရိပ်ဆာယာအောက်တွင် မဟာကရုဏာတော်ရှင် ဗုဒ္ဓဘုရားသခင်၏ လူသားတရပ်လုံး အကျိုးကို သယ်ပိုးဆောင်ကြည်းတော်မူခြင်းနှင့် ကိုယ့်အကျိုးကို စွန့် လွှတ်ခြင်းဆိုသည့် လူသားဝါဒအား အလေးနက်ဆုံး နှလုံးသွင်း ပူဇော်ရင်း စွမ်းအားရှိသရွေ့ လက်တွေ့ လိုက်နာအကောင်ထည်ဖော်ခြင်းဟု ဆိုနိုင်ပါလိမ့်မည်။