လောကမှာ အစားထိုးမရနိုင်တဲ့ အရာတွေအနက် အရေးပါဆုံးဟာ မိဘတို့အတွက် သားသမီးဖြစ်ပါလိမ့်မယ်။ ကျွန်တော့်လိုသားတယောက်အတွက်တော့ မိဘဖြစ်ပါတယ်။ ကျွန်တော့်အမေ တကယ်နေထိုင်မကောင်းဖြစ်လာပြီဆိုကတည်းက “အမေ့ကို လက်လွှတ်ဆုံးရှုံးကောင်း ဆုံးရှုံးရတော့မှာပါလား”  ဆိုတဲ့ အသိက ပေါက်ကွဲတော့မတတ် ရိုက်ချက်ပြင်း ငလျင်တစ်ခုနှယ် ကျွန်တော့်ရင်ထဲမှာ ရိုက်ခတ်နေခဲ့ပါတယ်။
၂၀၀၅ ဆောင်းရာသီထဲမှာ အမေ့ခြေထောက်လေးတွေ အလိုလိုနေရင်း ရောင်ရမ်းတာကနေ အစပျိုးပါတယ်။ ပျို့အန်ခြင်း ဝေဒနာလေးတွေ ခံစားရတာဟာ အစာအိမ်နဲ့ ပတ်သက်တဲ့ ဝေဒနာဆိုးတခုရဲ့ရှေးပြေးလက္ခဏာတွေ ဖြစ်မှာပဲလို့  အထင်ရောက်ခဲ့ကြတယ်။ ခြောက်လခန့် ဒီ့အတွက် ကုသခံယူပြီးတဲ့အထိ ထူးခြားသက်သာမလာတဲ့အတွက် ထပ်မံဆေးစစ်ခဲ့ရပြန်ပါတယ်။   ဒီတကြိမ်မှာတော့ အမျိုးသမီးရောဂါဖြစ်ကြောင်း ဆေးစစ်ချက်အဖြေအရ ဆရာဝန်တွေက သားအိမ် ကို ခွဲစိတ်ထုတ်ခဲ့ကြပါတော့တယ်။ ဒါပေမဲ့ အဲဒီခွဲစိတ်ကုသမှုခံယူပြီး နောက်ပိုင်းကျမှ ပို၍ပို၍ ဆိုးလာပါတယ်။ ဒါ့ကြောင့် ဆေးရုံကြီးသို့ ပြန်လည်သွားရောက်ပြီးတော့၊ ရောဂါရှာဖွေရေးဌာနမှာ ဆေးစစ်ပြီး ရောဂါရှာဖွေသမှု တတိယ တစ်ကြိမ်ထပ်လုပ်ရပြန်ပါတယ်။ ဒီတစ်ချီကျမှ ကျောက်ကပ်ပျက်နေကြောင်း ကျွန်တော်တို့ သိလာရတာပါ။
အဲဒီ့နောက်တော့ ကျောက်ကပ်အထူးကု ဆရာဝန်ကြီးတွေက ကျောက်ကပ်ဆေးရင်း ဆေးရင်း၊ ကုသမှုခံယူရင်းပဲ ခွဲစိတ်မည့်ရက်ကို စောင့်ဆိုင်းနေခဲ့ရပါ တော့တယ်။

အဲသည်လို- စောင့်ဆိုင်း နေခဲ့ရတာဟာ တစ်လလည်းမဟုတ်၊ တစ်နှစ်လည်းမဟုတ်၊ စုစုပေါင်း လေးနှစ်နီးပါးအထိ ကြန့် ကြာခဲ့ပါပြီ။ ရာသီတွေ အလီလီပြောင်းခဲ့ပေမဲ့လို့ ခွဲစိတ်ကုသမှု ခံယူခွင့်ရမည့် လူရွှေးချယ်ခံရတဲ့ စာရင်းထဲမှာတော့ ကံမကောင်း အကြောင်းမလှစွာနဲ့ ပဲ – ကျွန်တော့်အမေ့နာမည်က ပါဝင်ခဲ့ခြင်း အလျဉ်းမတွေ့ရသေးပါဘူး။ အမေ့ရောဂါအခြေအနေဟာလည်း  ကျွန်နော်တို့ မိသားစုရဲ့မျှော်လင့်ချက်တွေ ချဲ့ နဲ့ လာသလိုပဲ ကောင်းမွန်သက်သာမလာတဲ့အပြင် တတိတိနဲ့  အဆိုးဆုံးအခြေအနေနှင့် ရင်ဆိုင်လာရပါပြီ ။

သည်လိုနဲ့  ၂၀၁၀ ၊ နိုဝင်ဘာလထဲရောက်လာတယ်၊ အမေ့အခြနေကတော့ ဆိုးသည်ထက် ဆိုးတုန်းပါပဲ။  ဒီအတိုင်းဆို မဖြစ်ချေဘူး၊ သေဖွယ်ရာသာရှိတော့မည်၊  နိုင်ငံခြားမှာ သွားရောက်ခွဲစိတ်ကုသမှ ဖြစ်တော့မယ်လို့ အသိတစ်ယောက်က အကြံဥာဏ်ပေး၊ လမ်းညွှန်လို့ ဆရာမကြီးဒေါ်မေမြဝင်းနှင့် အဆက်သွယ်ရပြီး၊ အိန္ဒိ နိုင်ငံသို့ သွားရောက် ခွဲစိတ်ကုသဖို့  ဖြစ်လာပါတယ်။  အိန္ဒိယကို သွားရောက်ခွဲစိတ်ကုသခြင်း မပြုခင်အထိ၊ မြန်မာပြည်က ဆေးရုံပေါင်းများစွာမှာ လည့်လည်ပြီး ကျောက်ကပ်ဆေးခဲ့ရသည့် အကြိမ်အရေအတွက်က စုစုပေါင်း (၄၂၆) ကြိမ်ဖြစ်ပါတယ်။

မှတ်မှတ်ရရ -၂၀၁၀ ခုနှစ်ရဲ့  နောက်ဆုံးနေ့ (၃၁ – ၁၂ -၂၀၁၀)မှာတော့ – နာတာရှည်ရောဂါသည် အမေရယ်၊  ဦးလေးတစ်ယောက်ရယ်နဲ့ ကျွန်တော်တို့တွေ အိန္ဒိယနိုင်ငံ ကိုးကတ္တားမြို့သို့ ကျောက်ကပ်အစားထိုးကုသခံယူနိုင်ဖို့ ရောက်ရှိလာခဲ့ကြပါတယ်။  ရောက်ချင်းဆိုသလိုပဲ၊ ရောက်ပြီးနောက်တစ်နေ့မှာတင် ကိုးကတ္တားရှိ Apollo ဆေးရုံကြီးမှာ ကျောက်ကပ်ဆေးရင်းနဲ့ ဆေးရုံမှာ register လုပ်ခဲ့ပါတယ်။ အဲဒီ့နောက် ဆေးရုံမှ ပြင်ပလူနာ (OPT) အနေဖြင့် ဆေးမှတ်တမ်းများ ကြည့်ရှုခြင်း ဆေးစစ်ချက်များရယူခြင်းစတဲ့ ရှေးပြေးလုပ်ဆောင်စရာတွေ လုပ်ရပါတယ်။  အားလုံးအဆင်သင့်ဖြစ်ပြီးတဲ့နောက်၊  ၂၀၁၁ ဇန္န၀ါရီလ (၂၃) ရက်နေ့ ညအချိန်မှာ
ဆေးရုံသို့တက်ရောက်ခဲ့ပြီး၊  ဆေးရုံပေါ်မှာ လိုအပ်တဲ့ပဏာမ ကုသမှုတွေခံယူရင်း (၂) ရက်နေပြီး (၂၅) ရက်နေ့ နံနက် ၉ နာရီခန့်မှာ၊ အမေ့ကို ခွဲစိတ်ခန်းထဲ သယ်ယူပြီး စတင်ခွဲစိတ်ကုသပါတယ်။ သိပ်တာင် မကြာလိုက်တဲ့ အချိန်အနည်းငယ်အတွင်းမှာပဲ အောင်မြင်စွာခွဲစိတ်မှု အပြီးမြောက်ခဲ့ပါတယ်။ (၂၆) ရက်နေ့မှာ ကျောက်ကပ် အစားထိုး ခွဲစိတ်ကုသမှုကို အောင်မြင်စွာ ပြုလုပ်နိုင်ခဲ့လို့  ဆေးရုံပေါ်ကနေ ကျောင်းပြန်လာခဲ့ကြပါတယ်။ အဲဒီတော့မှ ကျွန်တော်စိတ်ထဲမှာလည်း အလုံးကြီးကျသွားသလို ခံစားရပါတယ်။ နောက်ထပ် တစ်လကျော်ခန့် လိုအပ်တဲ့ စောင့်ရှောက်၊ ကုသမှုတချိုိ့  ခံယူရင်း အဲဒီဗောဓိသုခ ပရဟိတကျောင်းတိုက်မှာပဲ နားနေခဲ့ပြီးတော့ ၂၀၁၁ မတ်ခ်ျလကုန်နေ့မှာ ကျွန်တော်တို့အဖွဲ့ မိခင်နိုင်ငံ မြန်မာပြည်ဆီ အောင်မြင်စွာပြန်လည်အောင်မြင်စွာနဲ့  ပြန်လည်ရောက်ရှိခဲ့ကြပါတော့တယ်။ အခုလို အိန္ဒိယသွားပြီး၊ Apollo ဆေးရုံကြီးမှာ (၁) လခန့် ဆေးရုံတက်ခဲ့ရတာဟာ မြန်မာပြည်မှာပဲ ကြိတ်မှိတ်ပြီး၊ အကြိမ်လေးရာကျော်တိုင် ကျောက်ကပ်ဆေးပြီး အချိန်ဆွဲနေခဲ့ရခြင်းရဲ့  ဘေးထွက်ဆိုးကျိုးကြီးပဲဖြစ်ပါတယ်။ စောစောကတည်းက ကျွန်တော်တို့  အမေ ဒီလာကုဖြစ်ခဲ့ရင် အဲသည်လောက်အထိတောင် ကသီကလင်မဖြစ်ခဲ့မှာ သေချာပါတယ်။ ဘာပဲဖြစ်ဖြစ် ကျွန်တော်တို့  အိမ်ပြန်လှနိုင်ခဲ့ကြပါပြီ။

ဒီလိုိလွယ်ကူ အေင်မြင်ခဲ့ရတာကလည်း အန္ဒိယနိုင်ငံ ကိုးကတ္တားမြို့ရှိ Apollo ဆေးရုံကြီးက ကျောက်ကပ်အထူးကုဆရာဝန်ကြီး Dr.VVL နှင့် ခွဲစိတ်ဆရာဝန်ကြီး Dr.Mahindra. တို့ရဲ့ကျွမ်းကျင်မှု၊ မြန်မာနိုင်ငံမှ ကျောက်ကပ်ခွဲစိတ်ကုသဖြစ်ဖို့အရေးအတွက် အစစအရာရာ ကူညီပေးခဲ့တဲ့ ဆရာဝန်မကြီး ဒေါ်မေမြဝင်း၊ အန်တီ သီတာနှင့် မဉ္ဇိမဂုဏ် ဘုရားဖူးအဖွဲ့သားများအားလုံး၊ အိန္ဒိယနိုင်ငံမှာ နေထိုင်စဉ် ကာလတလျှောက်လုံး နေရေး စားရေး သွားရေးလာရေးနှင့် ဆေးကုသမှုပိုင်းဆိုင်ရာ ကိစ္စ၀ိစ္စတွေအားလုံးမှာ စေတနာအပြည့်နဲ့  အထူးပြည့်စုံစွာ ဂရုတစိုက် ကူညီဆောင်ရွက်ပေးခဲ့တဲ့ ဆရာတော် ဒေါက်တာ နန္ဒောဘာသနဲ့၊ ထပ်တူပဲ ဗောဓိသုခ ပရဟိတ ဗုဒ္ဓဘာသာမြန်မာဘုန်းကြီးကျောင်းမှ ဆရာတော်တွေ၊ ဦးပဇင်း၊ ကိုရင်တွေအားလုံးတို့အား ဖော်ပြမစွမ်းအာင်အထိကို ပြုပေးခဲ့ကြတဲ့ ကျေးဇူးကြောင့်ပဲဖြစ်ပါတယ်။ သည်အတွက် အားလုံးကိုပဲ ကျွန်တော်တို့ မိသားစုအားလုံးက အထူး ကျေးဇူးဥပကာရတင်ရှိရပါတယ်။

လက်အုပ်စုံမိုးရှိခိုးလျှက်

ကျေးဇူးတင်ရှိသူ
အောင်ရဲဝင့်